അടിവെച്ചടിവെച്ചുയര്‍ന്ന കുന്നിന്‍
മുടിയില്‍ക്കൂടി വിയത്തിലേക്കു ചാടി
ചൊടിയോടെവിടേക്കു തിങ്കളേ,നീ-
യടിയില്‍ പോരുക കൂട്ടിനുണ്ടു ഞങ്ങള്‍.
ചെറുവെണ്‍മുകിലോടിവന്നു നിന്‍മെയ്
മുറുകെ പുല്‍കുവതെന്തയയ്ക്കയില്ലേ?
നറുപുഞ്ചിരിപൂണ്ടു നിന്നിടുന്നു
വെറുതേ നീ.,പറയാനറിഞ്ഞുകൂടേ?
കുളിരമ്പിളി നിന്നെ ഞാന്‍ പിടിക്കും
പുളിമേല്‍ക്കേറ്റിയൊരാളിരുത്തിയെങ്കില്‍
പൊളിയല്ലിവിടേക്കിറങ്ങി വന്നാല്‍
കളിയാടിക്കഥയും പറഞ്ഞുറങ്ങാം.
മുകില്‍ മുമ്പിലൊരാനയായി നില്പൂ
മുതുകില്‍ കേളിയിലേറി നീയിരിപ്പൂ
മുതിരുന്നിതൊരുത്സവം നടത്താന്‍
മുഖമേറെത്തെളിയുന്ന താരകങ്ങള്‍.
പെരികെക്കൊതിയുണ്ടെനിക്കുടന്‍ നി-
ന്നരികത്തെത്തുവതിന്നു.,പോന്നുവെന്നാല്‍
ശരിയാവുകയില്ല,ഞാന്‍ നിമിത്തം
പരിതാപം ജനനിക്കു വായ്ക്കുമല്ലോ.
(ഇളംചുണ്ടുകള്‍)
മുടിയില്‍ക്കൂടി വിയത്തിലേക്കു ചാടി
ചൊടിയോടെവിടേക്കു തിങ്കളേ,നീ-
യടിയില്‍ പോരുക കൂട്ടിനുണ്ടു ഞങ്ങള്‍.
ചെറുവെണ്‍മുകിലോടിവന്നു നിന്‍മെയ്
മുറുകെ പുല്‍കുവതെന്തയയ്ക്കയില്ലേ?
നറുപുഞ്ചിരിപൂണ്ടു നിന്നിടുന്നു
വെറുതേ നീ.,പറയാനറിഞ്ഞുകൂടേ?
കുളിരമ്പിളി നിന്നെ ഞാന്‍ പിടിക്കും
പുളിമേല്‍ക്കേറ്റിയൊരാളിരുത്തിയെങ്കില്‍
പൊളിയല്ലിവിടേക്കിറങ്ങി വന്നാല്‍
കളിയാടിക്കഥയും പറഞ്ഞുറങ്ങാം.
മുകില്‍ മുമ്പിലൊരാനയായി നില്പൂ
മുതുകില്‍ കേളിയിലേറി നീയിരിപ്പൂ
മുതിരുന്നിതൊരുത്സവം നടത്താന്‍
മുഖമേറെത്തെളിയുന്ന താരകങ്ങള്‍.
പെരികെക്കൊതിയുണ്ടെനിക്കുടന്‍ നി-
ന്നരികത്തെത്തുവതിന്നു.,പോന്നുവെന്നാല്‍
ശരിയാവുകയില്ല,ഞാന്‍ നിമിത്തം
പരിതാപം ജനനിക്കു വായ്ക്കുമല്ലോ.
(ഇളംചുണ്ടുകള്‍)
No comments:
Post a Comment
ഈ ബ്ലോഗിനെക്കുറിച്ചുള്ള നിങ്ങളുടെ അഭിപ്രായങ്ങളും നിര്‍ദ്ദേശങ്ങളും ഇവിടെ രേഖപ്പെടുത്തുമല്ലോ....