കടൽ മുറിയുന്നതെൻ കണ്ണിലാണ്‌
ഉടൽ മുറിയുന്നതീ മണ്ണിലാണ്‌
മലകടന്നൊരു മാലാഖത്തെന്നൽ
മത്സ്യക്കുഞ്ഞുങ്ങളോട്‌ പറഞ്ഞതിങ്ങനെ
ഏനോടുകളിക്കരുതേ എന്റെ ലോകരുകൂട്ടം
ഏനോടു കളിച്ചോരാരും നേരായിട്ടില്ലേ
ആദിയുഷസ്സും ആദിത്യചന്തിരനും
ആതിമാരുടെ മേനിയിൽപൂത്ത
കഥകളോരോന്നും കൊറിച്ചുനിൽക്കുമ്പോൾ
നിന്റെ കണ്ണീരിന്റെ പുഴകൾ വന്നെന്റെ
തിരയടങ്ങാത്ത കരൾശിലകളിൽ
കഠിനരേഖയാൽ കവിതകോറുന്നു.
ഇന്റര്‍നെറ്റില്‍ പലയിടങ്ങളിലായി ചിതറിക്കിടക്കുന്ന മലയാളത്തിലെ പ്രശസ്ത കവിതകളുടെ വരികള്‍ അധ്യാപകര്‍ക്കും സാഹിത്യ വിദ്യാര്‍ത്ഥികള്‍ക്കും വേണ്ടി സമാഹരിക്കാനുള്ള ഒരു ശ്രമമാണിത്.തെറ്റുകള്‍ ചൂണ്ടിക്കാണിക്കുമല്ലോ... മലയാളത്തിലെ പ്രശസ്ത കവിതകളുടെ ചൊല്‍ക്കാഴ്ചകള്‍ക്കും ആലാപനങ്ങള്‍ക്കും www.kavyakallolam.blogspot.in സന്ദര്‍ശിക്കുക.