കൈവെള്ളയിൽ കറുത്ത പുള്ളി
കൈനോട്ടക്കാരൻ പറഞ്ഞു:
അവലക്ഷണം അപായം
വിഷഭയം അഗ്നിഭയം ജലഭയം
മിത്രദോഷം മാനഹാനി
അരചകോപം വിരഹദു:ഖം ദുർമരണം
ലക്ഷണക്കേട് മാറാതെ രക്ഷയില്ലെന്നു വന്നു.
മണിബന്ധമറുത്ത് കൈപ്പത്തി കളഞ്ഞ്
അയാൾ രക്ഷപ്പെട്ടു.
തല കളഞ്ഞ് തലയിലെഴുത്തിന്റെ കേട്
മാറ്റാമെന്ന തത്വം അങ്ങനെ
അയാൾ കണ്ടുപിടിച്ചു.
ലോകവുമാഹ്ലാദിച്ചു.
No comments:
Post a Comment
ഈ ബ്ലോഗിനെക്കുറിച്ചുള്ള നിങ്ങളുടെ അഭിപ്രായങ്ങളും നിര്‍ദ്ദേശങ്ങളും ഇവിടെ രേഖപ്പെടുത്തുമല്ലോ....