ദേവാലയം
ഏതാകിലും
പോവുക
തലകുനിക്കുക
കൈകൂപ്പി
പ്രാര്‍ഥിക്കുമ്പോള്‍
വഴിയില്‍ കണ്ട
കണ്ണുകളിലെ
ദൈന്യതകള്‍ക്കുവേണ്ടിയും
ഒന്നുള്ളുരുകുക
കൈയിലുള്ളതു മുഴുവന്‍
കാണിക്കവഞ്ചിയിലേക്കിടുമ്പോള്‍
വഴിവക്കില്‍
വിശപ്പുനീട്ടിയ
കൈകളെകൂടിയോര്‍ക്കുക
സ്വര്‍ണത്താല്‍
തുലാഭാരം
നടത്തുമ്പോള്‍
ഒരു തരിമണ്ണുപോലുമില്ലാത്തവര്‍
സന്തോഷത്തോടെ
പുലരുന്നുണ്ടെന്ന്
തിരിച്ചറിയുക
തിരിച്ചുപോരുമ്പോഴെങ്കിലും
മരങ്ങള്‍ക്കിടയിലുള്ള
നിലംപൊത്താറായ
ആ
പഴയ വായനശാലയില്‍ക്കൂടി
ഒന്നു കയറുക
ഒരു നിമിഷമെങ്കിലും
ജീവിതത്തെ
ഇരുട്ടിലേക്ക്
വെളിച്ചമായെറിയുക.
No comments:
Post a Comment
ഈ ബ്ലോഗിനെക്കുറിച്ചുള്ള നിങ്ങളുടെ അഭിപ്രായങ്ങളും നിര്‍ദ്ദേശങ്ങളും ഇവിടെ രേഖപ്പെടുത്തുമല്ലോ....