പാടു നീ മേഘമല്‍ഹാര്‍..
പാടു നീ മേഘമല്‍ഹാര്‍,
ഗര്‍ഭസ്ഥ വര്‍ഷത്തിനെ തേടു നീ,
അമ്ലരൂക്ഷമാക്കുക സ്വരസ്ഥാനം
ഗര്‍ജ്ജിയ്ക്കും സമുദ്രത്തിന്‍
ശാന്തമാം കയം നിന്റെ
മുജന്മം ദാഹിയ്ക്കുന്നു,
പാടു നീ മേഘമല്‍ഹാര്‍..
ഇടത്തെ നെഞ്ചിന്‍ ക്ഷതം
വലത്തെ കൈപ്പത്തിയില്‍ തുടിയ്ക്കും
താളത്തിനെ ഗാനമായ് ഹലിപ്പിയ്ക്കൂ
ചരിയും ഗോപുരത്തെ
താങ്ങുന്ന തോളെല്ലുകള്‍
ചെരിഞ്ഞു മഹാസാന്ദ്ര
ദുഃഖത്തിന്‍ ഐരാവതം
ഖനിതന്നാഴത്തിലെ
കല്‍ക്കരിത്തീയില്‍ വീഴും
കണ്ണുനീരാണോ നിന്റെ
മേഘമല്‍ഹാറിസ വര്‍ഷം
വേനലെ, നിനക്കൊരു രക്തസാക്ഷിയെ തരാം
ധ്യാനത്തില്‍ കണ്ണില്‍ നിന്നും
തോരാത്ത കാലവര്‍ഷം
ഹസ്തങ്ങളറിയാതെ,
എയ്തുപോയ് ശരം തോഴാ
മസ്തകം പിളര്‍ന്നല്ലോ,
മുത്തു ഞാനെടുത്തോട്ടെ..
No comments:
Post a Comment
ഈ ബ്ലോഗിനെക്കുറിച്ചുള്ള നിങ്ങളുടെ അഭിപ്രായങ്ങളും നിര്‍ദ്ദേശങ്ങളും ഇവിടെ രേഖപ്പെടുത്തുമല്ലോ....