എവിടെ വാക്കുകള്‍ ? എന്റെ ബാല്യത്തിന്റെ
കളിയിടത്തിലെ മഞ്ചാടിമുത്തുകള്‍
വളമുറികള്‍,മിഠായികള്‍,ശംഖുകള്‍
ഒളിവിലെന്‍ പീലി പെറ്റ നുറുങ്ങുകള്‍ ?
കളിയിടത്തിലെ മഞ്ചാടിമുത്തുകള്‍
വളമുറികള്‍,മിഠായികള്‍,ശംഖുകള്‍
ഒളിവിലെന്‍ പീലി പെറ്റ നുറുങ്ങുകള്‍ ?
എവിടെ വാക്കുകള്‍,എന്‍ യൗവ്വനത്തിന്റെ
മഴവെളിച്ചങ്ങള്‍,പൂക്കള്‍,ലഹരി
ചെറുപിണക്കങ്ങള്‍,കണ്ണീരൊഴുക്കു
പതിയെ മൂളും മണക്കുന്ന പാട്ടുകള്‍ ?
മഴവെളിച്ചങ്ങള്‍,പൂക്കള്‍,ലഹരി
ചെറുപിണക്കങ്ങള്‍,കണ്ണീരൊഴുക്കു
പതിയെ മൂളും മണക്കുന്ന പാട്ടുകള്‍ ?
എവിടെ വാക്കുകള്‍ ? എന്റെയുള്‍ക്കാട്ടിലെ
മുറിവു പൊള്ളിടും വ്യാഘ്രി തന്‍ ഗര്‍ജ്ജനം
അകിടു വിങ്ങിയൊരമ്മ തന്‍ വാരിക്കുഴി-
ക്കടിയില്‍ നിന്നും വിളിക്കും നെടുവിളി ?
മുറിവു പൊള്ളിടും വ്യാഘ്രി തന്‍ ഗര്‍ജ്ജനം
അകിടു വിങ്ങിയൊരമ്മ തന്‍ വാരിക്കുഴി-
ക്കടിയില്‍ നിന്നും വിളിക്കും നെടുവിളി ?
എവിടെ വാക്കുകള്‍ ? ചങ്ങലക്കൈകളാ-
ലഴി കുലുക്കിടും ഭ്രാന്തിന്‍ പൊറാച്ചിരി
എവിടെയോമനേ, തീരെപ്പതുക്കെയെന്‍
ചെവിയില്‍ നീ പണ്ടു മന്ത്രിച്ച വാക്കുകള്‍ ?
ലഴി കുലുക്കിടും ഭ്രാന്തിന്‍ പൊറാച്ചിരി
എവിടെയോമനേ, തീരെപ്പതുക്കെയെന്‍
ചെവിയില്‍ നീ പണ്ടു മന്ത്രിച്ച വാക്കുകള്‍ ?
ചിറകിളക്കിക്കളിച്ചു പറന്നവ
അരുതരുതെന്നുറക്കെക്കരഞ്ഞവ
എവിടെയോ പോയടങ്ങിയെന്‍ വാക്കുകള്‍
കവിത പൂമ്പൊടി പോലെ പുരണ്ടവ
കനലു പോലെ ചുവന്നു പൊള്ളിച്ചവ
കടലു തൊട്ടവ,ഉപ്പു ചുവച്ചവ..........
അരുതരുതെന്നുറക്കെക്കരഞ്ഞവ
എവിടെയോ പോയടങ്ങിയെന്‍ വാക്കുകള്‍
കവിത പൂമ്പൊടി പോലെ പുരണ്ടവ
കനലു പോലെ ചുവന്നു പൊള്ളിച്ചവ
കടലു തൊട്ടവ,ഉപ്പു ചുവച്ചവ..........
No comments:
Post a Comment
ഈ ബ്ലോഗിനെക്കുറിച്ചുള്ള നിങ്ങളുടെ അഭിപ്രായങ്ങളും നിര്‍ദ്ദേശങ്ങളും ഇവിടെ രേഖപ്പെടുത്തുമല്ലോ....