രാവിലെയീറന്‍കെട്ടി
നിന്നുകൊണ്ടരയ്ക്കുന്നൂ
കാമിനി ചാണക്കല്ലില്‍-
ച്ചന്ദനം-ഇതു കാണ്‍കേ
അന്തരാ കഥിച്ചു ഞാന്‍:
ഓമനേ തവ ജീവ-
ചന്ദന സുരഭില-
മല്ലി മാമകജന്മം?
നിന്‍റെ കൈയെത്താത്തേടം,
നിന്‍റെ കണ്ണെത്താത്തേടം,
നീയാകെയെത്താത്തേട-
മില്ലയിക്കുടുംബത്തില്‍.
നീ തൊടും പൊട്ടിങ്ങനെ
വിയര്‍പ്പില്‍ക്കുതിരുമ്പോള്‍,
ശ്രീദേവി,സഹജീവി-
യായ ഞാനസൂയാലു:
നീയര,ഞ്ഞരഞ്ഞില്ലാ-
താവുന്നു ദിനംതോറും
സ്വീയമാം സൗരഭ്യവും
നിറവും കുളുര്‍മ്മയും
എനിക്കും കിടാങ്ങള്‍ക്കു-
മങ്ങനെ ലോകത്തിന്നും
കനിഞ്ഞു പകരുന്ന
പരമാനന്ദത്തോടേ!
ഇന്റര്‍നെറ്റില്‍ പലയിടങ്ങളിലായി ചിതറിക്കിടക്കുന്ന മലയാളത്തിലെ പ്രശസ്ത കവിതകളുടെ വരികള്‍ അധ്യാപകര്‍ക്കും സാഹിത്യ വിദ്യാര്‍ത്ഥികള്‍ക്കും വേണ്ടി സമാഹരിക്കാനുള്ള ഒരു ശ്രമമാണിത്.തെറ്റുകള്‍ ചൂണ്ടിക്കാണിക്കുമല്ലോ... മലയാളത്തിലെ പ്രശസ്ത കവിതകളുടെ ചൊല്‍ക്കാഴ്ചകള്‍ക്കും ആലാപനങ്ങള്‍ക്കും www.kavyakallolam.blogspot.in സന്ദര്‍ശിക്കുക.
Wednesday, February 8, 2017
ചന്ദനം - ഒളപ്പമണ്ണ
Subscribe to:
Post Comments (Atom)
ithinte aaswathana kuruppu kittumo
ReplyDeleteIthinte aaswathana kurupp
ReplyDeleteഇതിന്റെ വിശകലനം വേണം
ReplyDelete