ഒരു സ്ത്രീയെ സ്നേഹിക്കുകയെന്നാൽ
അവളെ കല്ലിൽ നിന്നും ഉയിർത്തെഴുന്നേൽപ്പിക്കുക എന്നർത്ഥം
ഒരു സ്ത്രീയെ സ്നേഹിക്കുകയെന്നാൽ
കരിയും മെഴുകും പുരണ്ട
അവളുടെ പകലിനെ സ്വർഗത്തിന്റെ പൂമ്പൊടി ഉച്ഛ്വസിക്കുന്ന
വാനമ്പാടിയായി മാറ്റുക എന്ന്
രാത്രി ആ തളർന്ന ചിറകുകൾക്ക് ചേക്കേറാൻ
ചുമലു കുനിച്ചു നിൽക്കുന്ന തളിരു നിറഞ്ഞ മരമായ് മാറുകയെന്ന്.
ഒരു സ്ത്രീയെ സ്നേഹിക്കുകയെന്നാൽ
കാറ്റും കോളും നിറഞ്ഞ കടലിൽ
മേഘങ്ങൾക്കു കീഴിൽ പുതിയൊരു ഭൂഖണ്ഡം തേടി കപ്പലിറക്കുകയെന്നർത്ഥം.
ഒരു സ്ത്രീയേ സ്നേഹിക്കുകയെന്നാൽ അവളുടെ പ്രാചീനമായ വടുക്കളിൽ നിന്ന് സൂര്യരശ്മി പോലെ കൂർത്തൊരു വാൾ
കണ്ടെത്താൻ അവളെ സഹായിക്കുകയാണ്
എന്നിട്ട് ചോര വാർന്നു തീരും വരെ
ആ മൂർച്ഛയിൽ സ്വന്തം ഹൃദയം അമർത്തി കിടക്കുകയാണ്.
ഞാൻ ഒരു സ്ത്രീയെ സ്നേഹിച്ചിട്ടില്ല.
No comments:
Post a Comment
ഈ ബ്ലോഗിനെക്കുറിച്ചുള്ള നിങ്ങളുടെ അഭിപ്രായങ്ങളും നിര്‍ദ്ദേശങ്ങളും ഇവിടെ രേഖപ്പെടുത്തുമല്ലോ....