ചുവന്ന കണ്ണുകളുള്ള
മന്ത്രവാദിനി
ഒരേലസ്സു ജപിച്ചു തന്നു .
ഇതരയില് കെട്ടുക
ഭയരഹിതമായ ജീവിതത്തിന്
ഇതുപകരിക്കും
വിറയ്ക്കുന്ന കൈകളോടെ
ഏലസ്സ് വാങ്ങി
കറുത്ത ചരടില് കോര്ത്ത്
അരയില്
അരഞ്ഞാണമാക്കി
അന്നുറങ്ങിയില്ല
അരക്കെട്ട് പൊള്ളി
അന്ധകാരത്തിലൂടെയോടി
ആഴിയില് മുങ്ങി
അഗ്നിയെ അണയ്ക്കുവാനാകാതെ
എരിഞ്ഞു കൊണ്ടോടി
കറുത്ത മയില് നൃത്തമാടി
പാറ പിളരുന്ന പൊട്ടിച്ചിരി
ഭസ്മത്താല് മുങ്ങിയവന്റെ
നഗ്ന താണ്ഡവം കണ്ടു
സംഭാരത്തിന്റെ മണ്പാത്രം
മുന്നില് വീണു പൊട്ടിയപ്പോള്
നിശ്ചലതയുടെ ഒരു
ഉരഗത്തെ പോലെ ജൈവമിഴഞ്ഞു
ശരീരത്തിന്റെ രത്യയിലൂടെ
പല്ച്ചക്രങ്ങളുടെ രഥം പാഞ്ഞു
ദുര്ദേവതകളുടെ ചരട് പൊട്
ധവളധാരിയായ
പ്രഭാതമെത്തി .