പുന്നയൂർക്കുളത്തു നിന്നും മടങ്ങുന്ന വഴി
ഴാങ്ങ് വാൽ ഴാങ്ങിനെ കണ്ടു.
മോഡേൺ ബ്രഡ് വാങ്ങി വരികയാണ്.
"ഇപ്പോഴാണ് നിങ്ങൾ രാഷ്ട്രീയമായി ശരിയായത്."
ഞാൻ പറഞ്ഞു.
"ആ നോവലിൽ നിന്നും
പെൻഷൻ പറ്റിയ ശേഷം
ഞാൻ നേരെയായി."
'
അയാൾ പറഞ്ഞു.
"ആ നോവലിൽ
ജോലിചെയ്യുന്ന കാലത്ത്,
ഞാൻ
ഇതേ ബ്രഡിന്റെ പിതാമഹനെ മോഷ്ടിച്ചു.
അന്നം തന്നവന്റെ പാത്രം മോഷ്ടിച്ചു.
തെരുവുചെക്കൻ്റെ നാണയം മോഷ്ടിച്ചു.
കള്ളപ്പേരിൽ മേയറായി.
നിയമത്തിൽ നിന്നോടിപ്പോയി.
കൊസേത്തിനെ രക്ഷിച്ചു. മരിയൂസിനെ രക്ഷിച്ചു.
ഴാവേറിനെ പറ്റിച്ചു.
ഒന്നും രാഷ്ട്രീയശരി ആയിരുന്നില്ല.