എനിക്ക് പണ്ടേ പ്രിയം നിങ്ങളെ , സ്വപ്നങ്ങളെ
ചിരിക്കും ബാല്യം തൊട്ടേ നിങ്ങളെന് കളിത്തോഴര്
ഏതിരുട്ടിലും നമ്മളൊന്നിച്ചു വാണു , നിങ്ങ-
ളേതഴലിലും വന്നെന് കണ്ണൂനീരൊപ്പി തന്നു
വിളര്ക്കും ദിനങ്ങള് തന് കവിളില് ചായം തേച്ചു
തിളക്കും വേനല്ച്ചൂടില് പൂക്കളെ തുന്നിച്ചേർത്തു
ദാഹത്തില് പൂന്തേനേകി ദുഃഖത്തില് പ്രേമം നല്കീ
രോഗത്തില് സുഖാശ്വാസദൃഢവിശ്വാസം പാകീ
ഈ വഴിത്തളര്ച്ചയെ ഞാനറിഞ്ഞീല നിങ്ങള്
ഗാനലോലുപര് കൂട്ടിനൊന്നിച്ചു നടപ്പോൾ
അങ്ങനെ നാമൊന്നിച്ചേ കഴിഞ്ഞു ചിരകാലം
ഇന്നു ഞാനിവിടെയീ നാല്ക്കവലയില് പെട്ടെ-
ന്നറിവു കാണ്മീലല്ലോ നിങ്ങളെകൂടെപ്പിരി -
ഞ്ഞകലുന്നേരം നിങ്ങള് യാത്രയും ചൊല്ലീലല്ലോ
എങ്ങിനെയിനി? നിന്നു പോകുന്നേന് , സ്വപ്നങ്ങളെ
നിങ്ങള് കൈവിട്ടോന് , ഏറെ ക്ഷീണനീ യാത്രക്കാരന്
നടക്കാന് വഴിയെത്രയുണ്ടിനി കൊടും വെയില്
തണുക്കും മഹാ സന്ധ്യക്കെത്രയുണ്ടിനി നേരം ...