യേശു ഒരു കറുത്ത വർഗക്കാരനാണ് എന്നതിന് മൂന്നു നല്ല വാദങ്ങളുണ്ട്.
ഒന്ന് : അവൻ എല്ലാവരേയും സഹോദരാ എന്നു വിളിച്ചു.
രണ്ട് : അവൻ സുവിശേഷം പറയാൻ ഇഷ്ടപ്പെട്ടു.
മൂന്ന് : അവന് നല്ല ഒരു വിചാരണ ലഭിച്ചില്ല.
പക്ഷേ, യേശു ഒരു ജൂതനായിരുന്നു എന്നതിനും മൂന്ന് തത്തുല്യ വാദങ്ങളുണ്ട്.
ഒന്ന് : അവൻ അപ്പന്റെ തൊഴിലിൽ ഏർപ്പെട്ടു.
രണ്ട് : അവൻ 32 വയസ്സുവരെ സ്വന്തം വീട്ടിൽ കഴിഞ്ഞു.
മൂന്ന് : അമ്മ കന്യകയാണെന്ന് അവനും അവൻ ദൈവമാണെന്ന് അമ്മയും വിശ്വസിച്ചു.
പക്ഷേ, യേശു ഒരു ഇറ്റലിക്കാരനാണ് എന്നതിന് മൂന്ന് തത്തുല്യ വാദങ്ങളുണ്ട്.
ഒന്ന് : അവൻ ആംഗ്യങ്ങൾകൊണ്ട് സംസാരിച്ചു.
രണ്ട് : ഓരോ ഭക്ഷണത്തോടൊപ്പവും അവൻ വീഞ്ഞു കുടിച്ചു.
മൂന്ന് : അവൻ ഒലീവെണ്ണ ധാരാളം ഉപയോഗിച്ചു.
പക്ഷേ, യേശു കാലിഫോർണിയക്കാരനായിരുന്നു എന്നതിനും മൂന്ന് തത്തുല്യ വാദങ്ങളുണ്ട്.
ഒന്ന് : അവൻ ഒരിക്കലും മുടിമുറിച്ചില്ല.
രണ്ട് : എല്ലാ സമയവും അവൻ നഗ്നപാദനായി ചുറ്റിനടന്നു.
മൂന്ന് : അവൻ ഒരു പുതിയ മതം തുടങ്ങിവെച്ചു.
പക്ഷേ, യേശു അയർലണ്ടുകാരനായിരുന്നു എന്നതിന്ന് മൂന്ന് തത്തുല്യ വാദങ്ങളുണ്ട്.
ഒന്ന് : അവൻ വിവാഹമേ കഴിച്ചില്ല.
രണ്ട് : അവൻ എപ്പോഴും കഥകൾ പറഞ്ഞുകൊണ്ടിരുന്നു.
മൂന്ന് : അവൻ പുൽമൈതാനങ്ങളെ സ്നേഹിച്ചു.
എന്നാൽ യേശു ഒരു സ്ത്രീ ആയിരുന്നു എന്നതിന് മൂന്ന് ശക്തമായ വാദങ്ങളുണ്ട്.
ഒന്ന് : തീരെ ഭക്ഷണമില്ലാതിരുന്ന സമയത്ത് ഒരു നിമിഷത്തെ മുന്നറിയിപ്പിൽ ഒരു ആൾക്കൂട്ടത്തെ അവന് ഊട്ടേണ്ടിവന്നു.
രണ്ട് : ഒരിക്കലും ഒന്നും മനസ്സിലാവാത്ത പുരുഷാരത്തിനു കുറുകെ സന്ദേശമയക്കാൻ അവൻ ശ്രമിച്ചുകൊണ്ടേയിരുന്നു.
മൂന്ന് : പണികൾ ചെയ്തുതീർക്കാൻ ബാക്കയുള്ളതുകൊണ്ട് മരിച്ചിടത്തുനിന്നുപോലും അവന് എണീറ്റുവരേണ്ടിവന്നു.
(2007 ഫെബ്രുവരി 25 നു പവിത്രന്റെ ഒന്നാം ചരമവാർഷികയോഗത്തിൽ എഴുതിയതാരാണ് എന്നറിയില്ലെന്നു പറഞ്ഞുകൊണ്ട്, പി എൻ ജി പറഞ്ഞ കവിത - കണ്ടാണശ്ശരിയിലെ പാരീസ് റോഡ് -വി കെ ശ്രീരാമന്റെ ലേഖനങ്ങൾ എന്ന പുസ്തകത്തിൽനിന്ന്).